Tura Sardar Division ni ning·o AAY, PHH, NFSA aro Non-NFSA o man·a kragipa manderangna 2024 March jani merongrangko watatmanaha ine West Garo Hills ni Superintendent of Supply da·alo u·iataniko dakangaha.
Indake pilak Tura Sardar Division ni ning·o ga·akgipa Fair Price Shop (FPS) dealer rangko sorkarini ge·etgimingita AAY ni (rimitgipa rong) card donggiparangna sakprakna japrako Kg 35 ko aro PHH (gitchakmrang rong) card donggiparangna sakprakna Kg 5 ko indin on·china ge∙etangaha. Una agreba Non-NFSA (tangsim rong) card donggiparangna japrako Kg 7.105 ko FPS Centre rangna Price Vigilance Committee ni tik ka·gimin damo Kg prako gong 13 na bate paljachinagita u·iatangaha.
Pilak kosako janapgimin man·a kragiparang an·tangtangni man·a nanggni merongrangko uamangni sepangbatgipa Fair Price Shop dealer rangoniko tik ka·gimin damrango ra·enagita man·gen ineba WGH ni Superintendent of Supply u·iatangaha.
