South Garo Hills Nokatgre songo donggipa Renang Dare ni sepang jolniko ro·ong bikotna am·enggipana NOC ko on·jachina Garo Students’ Union (GSU) Karukol Regional Unit GHADC ni CEM Albinush R. Marak na chitti seataha.
Ia ro·ong bikotchakgipa a·damko chalaina am·enggipa Mindikgre songoni Greneth M. Sangma, NOC aro nanggipa lekka pancharangko Divisional Forest Officer aro gipin daito ga·ake nirokgiparangoniko ra·aha jekon NOC ko niamgitade GHADC onikosa ra·na nanga ine GSU dolrang aganangaha.
GSU dolrang mikkangchiba Renang Dareoniko ro·ong bikotna NOC ko on·jachina aro on·manahaode ra·pilchina GHADC ni CEM ko songdongenggipa manderangni palo mol·molangaha. Renang Dare damsa mingsinggipa aro songre songgabatgiparangna nina nitobegipa biap ong·a jean a·dokna tourism ni a·bao namgniko ra·bagipa ong·a ine GSU dolrang aganangaha.
