Da·si walni bakoni pring seng·aona mikkarang waanichi a·arangko chijimatani a·selo, Duragre aro Tura ISBT jolrango gital tarienggipa ramarang a·a nomanichi a·dubek pil·e re·ruraenggipa gari gorarangna neng·nikaniko ra·baaha. Ia ramako da·osa tariengani gimin cho·daldalgipa a·arang mikka bitchi ga·akdape namen rimilgipa ong·aha. Jrimbegipa aro dal·dalgipa gari jekai bus aro truck rang a·a rimilani a·selo dorakjae ramasamrangchi tang·ange donganikoba nikangaha.
Ramarango garirang apchangkete re·na man·gija donganichi salantio office, college aro skulrangchi re·ruraenggipa chatro chatrirang somoigita sokna man·jae jajrengataniko on·angaha. Da·si waloni mikkarang wana a·bachenge da·al salgimik waani chinrangko mesokangkuenga aro wakuenga dipet ia ramarango indakgipa a·sel ong·anirangko nikangna man·angkunaba donga.
