Re∙baenggipa March 27 tariko Tura District Auditorium o World Theatre Day ko maninagita, A∙chik Theatre Group aro Meghalaya Grassroots Music Project apsan bakrime “Du∙kon” dakmesokaniko attam 5 bajioni ong∙atanggen. Ia programko NEHU English Department ni dakmesokachi a∙bachengate oprake on∙anggen ine Artsourced koborna parakataha.
Du∙kon ko dakmesokanian Garo Hills o siangenggipa dakmesokanirangko tangchapilatna miksongani ong∙a. A∙chik Theatre Group ni A∙chik A∙song aro Du∙kon ko dakmesokanirang bilongen chu∙sokgipa ong∙angaha jean a∙song gimikon ia minggni dakmesokanirangko de∙mittelangaha aro rasong chabeaniko ra∙baaha. Indakgipa kamrangko Umbrella Project nigita dal∙dalgipa aro mingsingbegipa manderangni dakdilanichi theatre ba dakmesokani workshop rangko chu∙sokatna cholko man∙angaha. Unbaksana Meghalaya Grassroots Music Project ni tang∙dobaanichi doka damani a∙bao, chrok mesaani aro dakmesokanirangkoba ra∙chape ong∙atna man∙angaha.
Du∙kon ko dingtang dingtang biaprango dakmesokangaha jekai-
1.North East Theatre Festival, 2010, National School of Drama, New Delhi
2. North East Theatre Festival, Commonwealth Games, NSD, New Delhi
3. North East Indigenous Theatre Festival, 2011, 4th Poorvotter Natya Samoroh, NSD, New Delhi
4. North East Indigenous Theatre Festival, 2011, 4th Poorvotter Natya Samoroh, NSD, Sikkim
5. North East Indigenous Theatre Festival, 2011, 4th Poorvotter Natya Samoroh, NSD, Guwahati
6. North East Theatre Festival, 2012, Tezpur
7. North East Theatre Festival, 2013, Imphal
8. Theatre Workshop Programme, 2014, NEHU, Shillong
9. North East Theatre Festival, 2016, Gangtok
