Anaemia sabisiko champengna manderangna dontonggija mikrakataniko on·enganina, Meghalaya a·dok gamchatgipa Best Innovative Information, Education, and Communication (IEC) award-ko man·angaha. Ru·utbea somoirangonin Meghalaya Health department, anaemia sabisioni naljoke dongna dingtang dingtang sanchakram a·damrango health camp rangko ong·ate awareness programrangko ong·atenga.
Programrangko ong·atan baksana re·bagiparangna koros nanga gri uamang dingtang dingtang sabisirangkoba porikka ra·e samrangko sualaniko dakangenga. Da·o uamangni ia sabisiko champengna krenge jotton ka·aniko ma·mongoni nike, departmentni bimchipanina boksisko on·angskaaha. Ian a·doko health department ni gisik nange kam ka·aniko mesoka aro biteni kri dal·gipa chu·sokaniko man·aniba ong·aha.
