Meghalaya a·dokni dakarika, jatni bewal aro cha·anirangko maniagita, New Shillong ni Lariti International Centre for Performing Arts and Culture (LICPAC) o ‘Hills on a Plate – Meghalaya’ reality T. V show-ko mande jinmana mesokangaha. Ia manianio bang·a dokgipa damgiparang, ring·salgiparang knatogipa ku·rangrangchi ring·mesokangaha jeon a·paloni mingsinggipa git ring·gipa Calum Scott ba sokbaaha.
Ia show-o chu·gimik bak sni episode mang gnang aro ua somoio episode ge·sakosan mesokangaha. Ia episode rango Meghalaya a·dokni dingtang dingtang cha·rongbewalrang, jatni ja·rikbaenggipa daka rikani, nikugijagipa nitoani, gun aro gamjinrangko nikna man·anggen. Ia tom·anio, Commisioner & Secretary Dr. Vijay Kumar D, IAS, Secretary of Planning, Cyril Darlong Diengdoh, IAS dongpae bakko ra·angaha. Dr. Vijay Kumar D, ia show o bakko ra·e gadang 5 ona sokdogiparangna lakh 10 tangkarangni cheque-rangko on·angjolaha.
‘Hills on a Plate – Meghalaya’ show-ko Jio Cinema o nina man·anikoba parakangaha. Jio Cinema baksa bakrime OTT service-rangni gita Meghalaya ni dingtang dingtang jatrangni dakbewal rikbewalko manderangna mesokanggen.
Ia show ona Masterchef Australia ni Sarah Todd, Ardahun Passah aro William Diengdoh, jugdge ong·e nambatgipako seokangaha. Song·na channa sapgipa Artet Kharsati, Ivan Suting, Daei Suchiang, Nambie Marak, Tanisha Phanbuh, Uttam Thangkhiew aro Adonijah Lyngdoh, iamang bakko ra·e saksa sakgipin baksa susaangaha.
