West Garo Hills Tikrikilla-ni ning·o ong·gipa, Assam aro Meghalaya ni sima ari joloniko re·anggipa March 19 tariko, Garo Hills ni a·arangko Assam a·dokona salan baksana gipin jatrangna a·arangko palenga ine NGCO Tikrikilla Unit-ni adita NGO dolrangni bimungko janapate mikrakataniko social media-o gatatanina, janapatako man·gipa NGO dolrang jegalangskaaha.
Uamangni jegalatani mongsonggipa a·selara adita NGO dolrang jekai CEPARD, AAPE, ASPE aro NGCO Tikrikilla Unit ni Garo Hills ni a·arangko salan baksana gipin jatrangna a·a pata tarisruke palenga ine janapanina biapona re·ange nie maming sakkirangko man·kujaenga ine janapatskaaha. Indake biapona re·ange nie maming rim·a man·agri janapgimin NGO rangko bimung minge uamangna u·i ma·siatgija koborna parakataniko raken jegalaniko dakatskaaha.
