Skulrango bagan barirangko dake me·su samjakrangko ge·e namgipa cha·ani ringanirangko cha·china aro samtangtango donggipa bl wa·a, a·a chirangko nosto ong·atgija baikamgipa ong·e rakkina man·agita, SWGH Ampati-o salgnina Supervision of School Nutrition (babilsi) gardens, training programko ong·atangenga. Da·aloni a·bachengatenggipa programko Sub-Divisional School Education Officer’s office (SDSEO) aro Horticulture department bakrime ong·atenga.
Ia program-o dingtangmancha chatro chatrirang namgipa cha·anirangko man·a amnagita, ge·a gamani aro skulrango babilsirangna bagan bari dake nirokani bidingo gamchatgipa u·ie ma·sie ra·na nanganirangko talatangaha. Mongsonggipa ong·e okamatako man·gipa SWGH ni DC re·bae bakko ra·anian chatro chatrirangni chu·gimik an·seng baljokaniko rakkina kam ka·dilani ong·a ine parakangaha.
