EGH Williamnagar songjinmani DRDA Hall-I o, World TB Day ko “ Yes We Can End TB ” katta bichongko pangchake District Tuberculosis Officer mijal salni bako manidilangaha. Ia manianio a·jani ADC Reuben Ch. Momin mongsonggipa sokgipa ong·e, TB sabisioni naljoke dongani bidingo aganangaha aro tom·bagipa manderangko sanna bannani cholrangko on·enganiko ra·e TB sabisiko gimaatchina didiangaha.
Ia programni somoio District Tuberculosis Officer (DTO) Dr. CP M Sangma ia salko manianio sabisirangoni naljoke dongna nangchongmotgipa kattarangko aganangaha. Unbaksana Senior Medical & Health Officer (MO-TC), DTC Williamnagar ni Dr. SR Marak rimchaksoani kattarangko aganangskaaha. Ia maniani bako TB sae donggipa manderangna adita cha·ani ringanirangko sualangan baksana Nikshay Mitras rangko mande ra·anirangkoba dakangaha. Una agreba programni bako skulni bi·sarangna quiz competition koba ong·atangjolaha.
