Re·baenggipa Lok Sabha election o manderangni pu·onanian Winter Capital aro Territorial Council ko Garo Hills o nangnikaniko mesokanggen ine Independent candidate Laben Marak aganangaha. Iako aganengon, una vote bang·bate on·gipa a·jao Winter Capital ko songe on·china ia dabianiko uamang mikkangchi ja·ku dee kamrangko ka·anggen ine Marak agandapangaha.
NPP ni Agatha Sangma ni je constituency o bang·bate vote man·gipana boksis rangko on·anggen ine agananina, chingaba Winter Capital ni bidingo ia kattarangko manderangna u·iatskaenga ine Marak aganangaha.