Garo Hills-ni a·kawe jolrango niamnigita nanggipa lekka pancharang donggija teer counter rangko chalaianiko nirokate dontongatchina, A·chik Conscious Holistically Integrated Krima (ACHIK) doloni North West Zone-ni Co-Chairman, Anand R. Marak didiangaha.
Marakni janapatanigitade, indake niam gri teer counter rangko chalaienggiparang bang·a biaprangon hajal ni hajal mang donga ine parakataha. Unbaksana mitamrang lekka pancharang donge pale cha·genchimoba, renew ka·taigija, teer counter rangko chalaienggiparangba gnang ineba Marak u·iatangaha.
Indake niamni a·palo chalaienggipa teer counter rangko am·sandie kakket bichalona ra·bachina didiangan baksana sorkari uamangni didianiko knachakjaode ACHIK dolrang raka ja·kuko de·anggen ine Marak agandapangaha.
