South Garo Hills, Gasuapara, India aro Bangladesh sima ari jolo, April 2 tariko Meghalaya police aro chel·chakgipa 181 Bn BSF dolrang bakrime am·sandianiko dake, a·songni a·palona gari bolgittamo badingsrukangenggipa 70,000 kg chinirang baksa India ni mande sakgittamko rim·aha.
Sakgittam rim·a man·gipa manderangoniko chinirangko salangani nanggipa lekka pancharangko sandion on·a man·jaha ine parakataha. Uamangoniko man·gipa hajal 70 kg chinirangko Gasuapara pulis thanaona ra·ange donaha aro ia manderangni kosako talbate sing·sandianirangko dakangenga ine koborna parakataha.
Ia bilsio jaggittamni gisepon BSF dolrang 1,188 ton mang chinirangko sima ari jolo badingsrukna miksonge ra·anggiparangko rim·na man·aha ineba janapataha.
