South West Garo Hills, Garobadha OGC ni gari gorarangko nirikianirangko dakengmiting somoio, cha·ue ra·angenggipa AS-01FB 1860 Yamaha R15S bike bolsako police dolrang rim·na man·aha.
Pulis dolrangni am·sandianiko dakanichi ua bike-ko u·igijagipa mandeni OLX.in o dam komie palaniko bree jakkalenggipa aro nanggipa lekka pancharang grigipa gora ine ma·sinagita man·angaha. Unbaksana adita am·sandianirangko dakanio Assam, Fatashil Ambari Pulis thanao ua bike ko cha·uaha ine mokordoma ka·ani ja·man nanggipa ja·kuko de·e kamrangko ka·angchina uamangni jako pakwatanggiminsa ong·a ineba u·inagita man·angaha.
Indakgipa obostarangko chagrongna nangani giminan, sakanti gari gorarangko jawaniko brena skang, nanggipa lekka pancharangko name nichengesa brena nanga ineba u·iatangaha.
