Mijal walni bako North Garo Hills Bajengdoba ramao, mande saksa ta·rakbee bike sale a·sel ong·anichi janggitangko gimaataha ine koborko man·soaha. Ia obosta ong·aniara bike ko nangana bate ta·rake salani a·sel ong·aha ine pulis dolrang parakataha.
Koborko man·soanigitade ia a·sel ong·aniara walni 8:00 bajimango ong·aha ine u·inagita man·angaha. A·sel ong·e sianggipa mandeara Krishnai Halua Pata songoni bilsi 18 san ong·kuenggipa Rambas Rabha ong·a jean National Highway 51-o bike ML-08A 4921 ko ta·rakdugae sale an·tangan ojon grie soroko ga·ake skoo nangana bate saknaaniko man·e a·sel ong·anichi janggitangko gimaataha ine koborna parakataha.
