Chua gadangni bidako pakwatenggipa North Eastern Hills University (NEHU), India a·songo ge 100 poraia skianiko on·enggipa nambatgipa university rangni gisepo 93 gipa rank ko man·aha jean onbatgipa gadang ong·a. Ia gadangko EduRank nigita dingtang dingtang kamrang jekai research output, mingsing minggamani aro allumni ba poraianggimin chatro chatrirangni chu·sokaniko nigrike gadangko on·angaha.
A·song gimikni University rangni gadangrangko re·anggipa antio EduRank ni re·anggipa antio parakataha. Uandake skanggipa rank ko IIT Kharagpur, gnigipako Delhi University aro gittamgipako Indian Institute of Science, Bengaluru man·angaha. Brigipa rank ko IIT Bombay aro bongagipa rank ko IIT Delhi man·angskaaha.
Northeast a·jarangni gisepo IIT Guwahati, 44 gipa rank ko man·angaha aro Guwahati University, 45 gipa aro Dibrugarh University 94 gipa rank ko man·angskaaha jean NEHU ni ka·mao ong·skaaha.
