Re·baenggipa Lok Sabha election-na gari gorarangko jakkalna on·ani bidingo wilwilao donggipa gisiko nanggipa gari nokgiparangna WGH District Election Officer u·iataniko dakangaha. Gari gorarang chong·motan LMV rang ba Tata Sumo, Bolero (4×4), Bolero Camper, Scorpio, Gypsy (4×4), Ertiga, Xylo, Eco-Van aro gipin (4×4) garirang baksana gari salgipako nanganiko u·iatangaha.
Election-ni kamna jakkalgipa garini nokgiparangna sorkarini u·iatgimingita, hajira baksana allowance ko on·agita tik ka·angaha. Garitangko jakkalna on·a gisiko nanggipa gari nokgiparangko uamangni gariko salgiparang baksa April 10 tarikna skang Transport Cell ISBT ba Tura DC office-ona u·iatchina ba ia 7002434499 numbero call ka·e Assistant Nodal Officer na u·iatchinagita didiangaha.
