Mijal attamni bako NPP ni National President, Conrad Sangma, Assembly Speaker, Thomas A. Sangma, PHE Minister, Marcuise N. Marak, BJP-ni State President Rikman Momin aro BJP dolni dilgiparang, re∙baenggipa Lok Sabha election-o apsan bakrime NPP ni Agatha Sangma na chakpae kamko ka·nagita Tura songjinmao tom∙aniko dakangaha. Ia tom·aniona NPP aro BJP dolo ja·rikgiparang, unbaksana dilgiparang re·bae jinma ku·cholsan ong·e bang·a dakna nanggni kamrangni bidingo chanchirimangaha.
Ia tom·anio NPP aro BJP dolgni a·doko dingtang dingtang neng·nikanirangko namdapatna aro nangchongmotgipa kamrangko dangdike on·e Meghalaya a·doko namroro silroroaniko ra·banagita ja·ku de·na chanchirimaniko dakangaha.
