Mijal salni bako, gimaroroangenggipa “Whistling Blue Bird” maiba a∙sel ong∙e saknae dongenganiko, Tura Spring Hills gittimni nokdang ge·sani manderang nike, rim∙e donenba adita simsakanirangko dakenga ine parakataha.
Ia do∙o ma·sina man∙gijagipa obostani a∙sel uni grango saknaako man∙e bilna man·gija dongenga aro uko wate gala ong∙ode a∙chak ba menggorang uko chike galnaba donga ine do·o matrangko nirokenggipa Wildlife departmentko rim·e ra·echina u·iatangaha.
Indaken ua do∙oko uamangoniko rim∙angenba simsakaniko aro nambate sannaniko dake biaptangona watatchina Spring Hills gittimo songdongenggipa Chelluvi N. Sangma Wildlife department ko didiangaha.
