Lok Sabha election 2024 ru·utgija somoini gisepo ong·nasiengon, All India Trinamool Congress doloni susaenggipa Zenith Sangma baksa sak 1000 na bate dingtang dingtang party o ja·rikgiparang bakrimeaha.
Zenith Sangma, manderangni vote rangko chena am·roroe West Garo Hills, Selsella jolni Tarapara songo campaign ka·anio, sak 400 na bate gipin dolni manderang re·baenggipa Lok Sabha election o ku·cholsan kam ka·na bakrimangaha. Apsan daken Magurmari songoba sak 700 ong·nasipile AITC dol baksa Sangma na chakpaaniko on·a bakrimeaha ine koborna parakataha.
