North Garo Hills a·jani Kharkutta songo Congress party o susaenggipa Saleng Sangma manderangni aro mongsongbate ma·giparangni una chotchanggija chakpaaniko man·anina mikchi ong·e campaign ni somoio grapaha. Congress dolo tangka paisarang donggijako nike Saleng Sangma maming neng·nika gri election o susana man·agita ma·gipa dolrang una adita bosturangko aro tangka paisarangko on·gilanirangkoba dakangaha.
Ma∙gipa saksani agananio, ua A·chik a·songni gimaangniko nike mikkangchi uamangni dedrang su·drangrangko dilangchina Saleng Sangma na namgipa ku·pattianiko on·angaha. Ma·giparang pilakkon una ka∙sae on∙gilanirangko aro chakpaaniko mesokanina Saleng Sangma mittelskapile, re·baenggipa sal somoirango manderangni namgnina kakket o dilangskagen ine mikchi ong·a gnang aganangaha.
