Tura parliamentary ni biapna April 19 tariko Lok Sabha pu·onanio South West Garo Hills ni 53-Ampati, 54-Mahendraganj aro 55-Salmanpara constituency rango jakkalna am·enggipa Electronic Voting Machine (EVM) rangko General Observer SWGH a·jaona re·bae, Deputy Commissioner ni Office-o porikka ra·e tarisamsoaniko dakangaha.
Ia EVM rangko porikka ra·e niani somoio, General Observer Dr. Narander Kumar Meena, District Election Officer, Hema Nayak, SWGH ni ADC, M L K. Marak, ERO, AERO aro Engineer rang baksana dingtang dingtang political party rangna kam ka·giparangni dongpaanio EVM rangko kakket ong·e jakkale pu·onaniko chu·sokatna nirok simsakaniko dakangaha. Uamangni nirokanio chu·gimik ge 158 EVM rangko name tarisamsona man·angaha ine koborna parakataha.