Ge·e game cha·giparangna dakchakaniko on·a Derechikgre-o skanggipa changna ong·atenggipa Strawberry festival ko West Garo Hills a·jani DC Jagdish Chelani oprake on·angaha. Ia festival ko April 12 aro 13 tariko Agro Tourism ko baridapatna Tourism department aro Agriculture & Farmer’s Welfare, strawberry biteko jolo ge·e game cha·giparangko tang·doatna bakrime ong·atangenga.
Art Sourced aro MGMP ni ong·atenggipa ia manianio strawberry biterangko jaktangchi pangoniko akna, Gureo gadoani aro cycle salanirang donga jeon Tura songjinmani dingtang dingtang bilsini manderangni re·baaniko nikna man·angaha.
Jagdish Chelani, ia manianiko ong·atenggipa pilak bak gnanggiparangna katchapaaniko on·ange, ge·e game cha·giparangni biterangko akna man·anina kusi ong·aniko parakangaha. Ua pale sim·e cha·gipa dokanrangkoba napake niangjole, strawberry biterangko pangoniko akanioba bakko ra·angaha.
Ia manianiko oprakanio West Garo Hills a·jani Horticulture Officer, Thera Ch. Marak aro Tura ni Assistant Director, Horticulture, Sanyang A. Sangma ba dongpae bakko ra·angaha.
