Re·baenggipa April 19 tariko ong·na am·enggipa Lok Sobha election-ko namgipa bewalo matchotatna man·agita April 17, 18 aro 19 tarikrango West Garo Hills a·jao chu palaniko dontongchina Deputy Commissioner Jagdish Chelani u·iatangaha.
Iako, Representation of the People Act, 1951 section 135 (C) aro Meghalaya Excise Act, section 52 (1) ni bilko jakkale, DC dingtangmancha West Garo Hills a·jao ra·gatataha.
South West Garo Hills a·jaoba janapgimin tarikrango chu palaniko dontongchina ge·etataha jekon election-ko name matchotatna miksonge ra·gataha. Unbaksana vote ko chanani salo chong·motan June 4 tarikoba chu palaniko dakjachina DC janapatjolaha.
