Mijal salni 12:45 bajimango saknabee mikselgija donggipa saksa ma·sina man·gijagipa mandeko, Wadagre songni manderang Kalaichar P.S on rimbaaha ine SWGH ni SP koborna parakataha.
Koborko man·soanigitade ia ma·sina man·gijagipa mandeko Wadagre songni Kingston T. Sangma ni matchuko uni noloniko cha·uako rimnagita man·e uko biljimbee dokataha ine u·inagita man·aha. Uko bakan Kalaichar PHC ona porikka ra·na ra·ange sanna bannaniko dakgenchimoba uni saknabeani a·sel janggi galaona sokaha ine u·iatangaha. Ia mandeni manggisiko Ampati Civil Hospital ni manggisi donchakram biapo donenga, jekon sal gittam ni gisepon uni mahari ma·drangrang ra·epachina mol·molangaha.
Koborko name dake ma·sinagita Mahendraganj P.S ni Officer-in-charge ni Mobile no. 6009936382 ona ka·atchina ba Investigating Officer ni Mobile no. 8787602914 ona ka·ate UBSI Willy R. Marak na u·iatchinagita SWGH ni SP u·iatjolangaha.
