Da·al salni gisepo dam 297 polling station-ni polling officer rang aro pulis dolrang, ISBT-oniko a·jani dingtang dingtang polling station-ona kamrangko sengnang matchotatna man·agita nanggipa bosturangko ra·angtokengaha ine WGH a·jani District Election Officer Jagdish Chelani aganangaha.
District Commissioner office-ko kan·dika somoirangna ISBT-ona biap dal·batani gimin apjitangaha aro transparency cell, material cell, personal cell aro Election branch ni dol gimikon apsan bakrime kamko ka·atangenga jeon pu·ongipa biaprangona sakgni police official aro CRPF ni dolrangko tom·tome matchotatna man·agita watchapataha. Unbaksana a·jani dingtang dingtang thana-ni Quick Action Team aro CRPF dol koba pilak a·seloniko naljokatnagita mikrake dongchinagita ge·etangaha.
Una agreba electionko tom·tome matchotatna man·agita sak 67 pulis nakas, sak 40 SST nakas aro sak 77 Flying Squad dolrangko tarisamsoaha ine DEO Jagdish Chelani aganangaha.
