Re·anggipa April 15 tarikni 9:30 bajimangni ja·mano, 45-Tikrikkilla (ST) ni Flying Squad dolni member Executive Magistrate-ko, Bandarkona Krishi Field aro Tikrikkilla Hanuman Mandir compound-o election campaign ka·aniko niroke re·bapilmiting somoio, ma·sina man·gijagipa manderang chadrape doke saknaataha ine Returning Officer koborna parakataha.
Indakgipa a·selko chagronggenchimoba ua bang·gija saknaanikosan man·e adita sanna bannaniko dakani ja·man kamtango dongtaipilna man·aha ine u·iatangaha. Executive Magistrate-ni a·sel ong·anio chagronge agananigitade, uko dokani bidingo kakketgipa sakkiko on·agita man·a aro ia a·selo darang politiksni dolrang jak dongjan baksana maming politiksnigata ge·etate kam ka·atani ong·ja ineba ua u·iatangaha.
Ia obostani bidingo Tikrikilla P.S ni Officer in-Charge mokordoma ka·angaha aro dosi dakgiparangni kosako am·sandianiko dakangenga ine koborna parakataha.
