Re·baenggipa Lok Sabha election-na tarisamsoanio, Winter Capital-ni bidingo agane voterangko chimongnagita jotton ka·anina ACHIK dolrang raken jegalaniko dakataha. Apsan somoion ACHIK dolrang Winter Capital-ko songani bidingo a·dok sorkari baksa kamko a·bachengtaie ka·na gita tik ka·e don·anikoba parakataha.
Winter Capital-ni bimungo voterangko am·aniara jatna, a·dokna aro chigana gisiko nange kam ka·giparangko chonnikani ba kal·stekani ong·a ineba aganangaha. Iani bidingo ACHIK dolrang sorkari baksa sal somoi sokjoko agangrikaniko dakanggen aro iako chu·sokatnagita a·dok sorkari baksa apsan bakrime kamko ka·anganggen ine ACHIK dolni ku·wattimgipa aro General Secretary Jack Sangma parakataha.
