South Garo Hills a·jaoniko 200 Bn BSF-ni sipai kotokrang aro pulis dol nangrime am·sandianiko dakanichi niamgri chinirangko badingsrukgiparangko Bangladesh-ni sima ari joloniko konta 48 ni gisepo rimna gita man·aha. BSF aro pulis dolrang Mobile Check Point (MCP) Baghmara-oniko koborrangko man·soa bakan dingtangmancha am·sandianiko dakangaha.
Sandianirangko dakmiting somoio potchipgipa Bolero pickup ge·sani re·baako niksoe check point o dongdipaton gariko salgipa aro gario jarikgipa manderang rangsanan garioni chokone katna gita man·aha. Bolero pickup oniko sandianiko dakon ge 25 bag chinirangko an·chengni ning·o donue ra·bagipako man·aha. Rim·a man·gimin gari aro chinirangko Baghmara police station ona pakwate on·angaha ine u·iatangaha.
Ge·gipin dolrangni am·sandianiko dakanichi sima arini sambao galchipgimin nok te·saoniko ge 364 bag chinirangko rim·na man·angskaaha. Ia niamgri chinirangko Bangladesh a·songona South Garo Hills a·jani sima ari gita watatgipa ong·achim ine koborna parakataha.
