Re·anggipa April 16 tariko East Garo Hills Tamsura jolni buringo Assam ni mande sakgittamko so·otanina All Assam Minority Students’ Union (AAMSU) tom·e jegalenba Meghalaya aro Assam re·gipa pilak ramarangko champengna mikrakataniko on·ataha. AAMSU dolrang so·ota man·gipa manderangna kakket bichalko on·china aro uamangni nokdangni manderangna on·pilskaaniko dakchina dabiangaha.
Goalpara ni AAMSU dolrang, ia tom·aniko National Highway 217 Dudhnoi o ong·atangaha jeon Meghalaya sorkari aro Chief Minister Conrad Sangma ni kosako jegalani kattarangko a·boke jingjengatangaha. Uamangni dabianirangko knachakjaode mikkangchi raka ja·kuko de·aona sokgen ineba uamang parakangaha.
So·ota man·gipa sakgittamko u·ina man·gijagipa manderang buring damsao gari gnang wa·al sochipaha.
