Mijal salni bako All Assam Minority Students’ Union aro dingtang dingtang NGO dolrang jekai AAYF, AIJIF, GSMC, AYWO, ADE, PJAC, AHAM, FAF, AYWS, Mothers Union, GSU dolrang Assam-ni sakgittam manderangko wa·al so·chipe so·otani bidingo, Dudhnoi IB-o tom·aniko dake chanchirimangaha. Ia tom·anio dolgnian ku·cholsan ong·e kakketgipa am·sandianirangko sengna ku·rachake sakantikon ong·gijagipa kattarangko sakgipinrangna gipatjachina aro jatsa jatgipin baksa so·sojengjeng ong·ataniko ra·bajachina didiangaha. Unbaksana indakgipa kamrangko ka·anichi kakketgipa bichalko man·a sandianirangko dakanio neng·nikanirangko man·dapnaba donga ine mol·molaniko dakangaha.
So·ota man·gipa sakgittam dosi dakani a·selo Assam-o mokordoma ka·a man·e matchotgija dongenggiparang ong·a ine u·inagita man·angaha. Ramarangko champenganirangko dakgenchimode kakketgipa am·sandianirangko dakanirango ru·uta somoirangko nange kakket bi·chalko on·a ru·utataniko ra·bagen ine uamang talatangaha. Pilak ong·na amgnirangko niate sakantikon kakket ong·gijagipa kattarangko gipate ding·chaoaniko ra·bajachina aro apsan ku·cholsan ong·e kakket bi·chalko ra·bana kam ka·na mol·molanikoba dakangaha.
