East Garo Hills a·jao Assam-oni sakgittam so·ota man·gipa manderangni a·sel ong·ani bidingo Chief Minister Conrad Sangma raken jegalatenba dosi gnanggiparangko rim·na sorkarioni bimchipe kam ka·angenga ine u·iatangaha. Ia somoirango a·dok ge·gnioni manderangko meli nangrime aro ku·cholsan ong·e dosi dakgiparangko rim·na re·mikkangchina Cheif Minister mol·molangaha.
Ia a·selni bidingo jatsa jatgipinko ding·chaoatgija dongtokpachina aro so·sojengjeng ong·ataona sokatpajachina Sangma manderangko didiangaha. Ua a·dok ge·gnini manderangko kakket bichalko sengchina aro tom·tomaniko rakkipachinaba mol·molangaha. Unbaksana ia obostani bidingo so·sojengjeng ong·atna jotton ka·enggiparangkoba ra·chakpajachina Sangma aganangaha.
