Re·anggipa April 21 tarikni pring 3:40 bajimango Tura ni chu dokan ge·saoniko cha·una jotton ka·aha ine koborna parakataha. Ma·sina man·gijagipa manderang skanggipa dokan ni godown o napna jotton ka·chenge napdrana jotton ka·angaha ine u·iatangaha.
Dokan o kam ka·enggipa sak 4 manderang tusiaoni chakatchangani a·selo cha·uangna man·jaha aro cha·una re·bagiparangkoba nike a·rikatna man·genchimoba rimrikna man·jaha.
Dokan ni nokgipa pulis dolrangna lekka sedoanirangko dake cctv o man·gipa video koba uamangni jakona pakwatangaha ine janapataha. Iani bidingo pulis dolrang video ko nitaitaie dokano napdrana am·gipa manderang maiaba pekatgipa bosturangko jakkalgiparang ong·naba donga ine rimchipengan baksana uamangni am·sandianirangkoba dakangkuenga ine u·iatangaha.
