South Garo Hills, Gasuapara Higher Secondary School ni adita chatro chatrirang Balpakram-ona re·ange Rongara ramao gari a·sel ong·aha. Ia a·sel ong·anio janggirang gimajagenchimoba gadogipa adita skul bi·sarang namen saknaa man·tokaha ine koborna parakataha. Ong·a obostani ja·pangko parakatanigitade garini brake chikjae ia a·selo ga·akaha ine ma·sina man·aha.
Chatro chatrirang baksa darang skigipa re·chapanga dongja, uamang an·tangtangsa ripengskarara re·angaha ine u·ianagita man·aha. Da·o dipet koborko man·soanigitade saknaa man·gipa chadamberangko Rongara hospital-ona aro mittamko Baghmara hospital-ona rimange sanna bannaniko on·enga ine u·iataha.