Da·al pringni bakko South Garo Hills ni Chokpot Police Station ni ning·o ong·gipa Chibokgre ni buringoniko ma·sina man·gijagiparangni slai gulirangko a·ningo gope don·ako pulis dolrang am·sandianiko dake man·aha ine SGH Baghmara ni SP Shailendra Bamaniya koborna parakataha.
Iani bidingo pulis dolrang koborko man·e Sub-Divisional Police Officer baksa CI, Chokpot ni OC, I/C BDDS aro sakgittam pulisrang bakan da·al waljatchini 1:15 bajio biapona re·angaha. Uandake pulis dolrang da·al pringni 3:27 baji mango biapona sokange gope don·enggipa rong 340 aro box gebri mang slai gulirangko man·eaha ineba SP aganangaha. Ia gope dongipao slai gulirangko bobil dolrangni ine rim·chipnagita man·aha ineba SP agandapangaha.
