April 25 tarikni attam 4 bajimango sakgni chadamberangni manggisiko bolo kae siako South Garo Hills a·jao man·aha. Ia chadambe sakgni West Garo Hills Badupara songni bilsi 17 ong·gipa Nikera D. Sangma aro Chokpot Rongdenggre songni bilsi 17 ong·gipa Medanchi Ch. Marak ong·a.
Koborrangko man·soanigitade uamang 2023 bilsini December jaoni mikcha ka·sagrikbaenggiparang ong·a ine ma·sina man·aha. Uamangni manggisiko Baghmara hospital-ona ambulance gario pulis dolrang baksa post mortem ba porikka ra·e nianiko daknagita ra·angaha. Dao dipet chong·motgipa a·selrangko ma·sina gita man·kujaenga aro sing·sandianirangkoba dakangkuenga.
