East Garo Hills jolo Meghalaya Education Department-nigita Lower Primary skulna sak gittam gipin jat skigiparangko seokanina gitcham Chief Minister Mukul Sangma sorkariko matnange aganangaha.
EGH a·jao gipin jat skigipana seokako man·giparangara Bolmoram Adapgre Govt. L.P skulna Mukesh Basfore, Koksi Nengsat Govt. L.P Skulna Amar Biswakarma aro Dagal Noapara Govt. L.P Skulna Hiteswar Rabha ko seokaha ine u·inagita man·aha. Ia koborko Sub-Divisional School Education Office-o Williamnagar Warimao songdongenggipa Cripswell A. Sangmani Right to Information (RTI) Act 2005 o pangchake dorgastoko galanichi ma·sinagita man·aha.
Apsan daken sorkarini dongimin niamgita jemangan MTET pass ka·a aro jemangkon A·chik songni primary skulrango skinagita rakkiako man·giminrang, A·chik ku·sikko man·agita nanggen ine donaniara ong·na amgijani aro kal·ake ro·ani kam ong·a ineba Sangma agandapangaha.
