Da·al pringni somoio Tura Upper Matchikol junction o bike bolsako dumper truck gari number ML 08 K 0925 salpakanga ine koborna parakataha. Ia a·sel ong·anio bike salgipa mandeni jakrani ja·ao namen saknaa man·aha ine u·ina man·aha. Ia ong·a obostani bidingo da·o dipet name dake sing·sandianirangko dakangkuenga ine u·iatangaha.
Batanggimin sal somoirango Garo Hills ni dingtang dingtang biaprango dumper truck ni ta·rakbee salanichi bike aro scooty salgiparang bang·a a·selrangko chagrongangaha. Re·anggipa salrango me·chik chadambe sakgnini a·sel ong·aniko nike NGO dolrang dal·dalgipa truck garirangko salni somoio re·rurana on·jachinaba District Administration-o mol·molangaha. Da·o iani gisepon Tura songjinmao gnigipa changna ru·utgija somoini bako dumper truck baksa a·sel ong·aniko nikna man·angtaiaha.
