April 30 tariko gittamgipa changna dumper truck baksa a·sel ong·a ine social media rango giproroenggipani bidingo police dolrang kakket ong·a obostako talatangaha. Ia a·sel pringni 2:30 aro 3 bajini gisepo ong·aha jeon Chekam Sangma mande sigipaona re·ange re·bapilmitingo dumper truck ni ki·sango re·baaniko nike kenjagoke scooty oni ga·akaha ine parakataha. Ua adita saknaanirangko man·aha.
Ia a·selo dumper truck baksa maming a·sel ong·ani ba salpakani dongja ine police dolrang talatangaha. Social media rango tol·e giprororanirangko bebe ra·jachina uamang manderangko didiangaha aro kakketgipa koborrangko senge u·ie ra·chinaba mol·molangaha.
