NGH Beru Bari aro Narongkol songo songdongenggipa manderang uamangni gittimni ramarangko tariani tik ong·janina matnange agananiko knae, da·al salni bako biapona re·ange nianiko dakon ia tarigimin rama namen namgijaniko nikenagita man·aha ine Rongrong-ni MDC Rinaldo Sangma koborna parakataha.
Batanggimin somoirango NGH PWD Road Incharge-ni Executive Engineer-ona re·ange iani bidingo am·sandianiko dakani ja·mano, je mandean ia ramako jako ra·e contractor-ni kamko ka·enggipa Takin Arengh, jolni MLA baksa melibegipa ripeng ong·e, MLA ni dakchakanichi Resubelpara jolni bang·bata PWD ni contract rangko jako ra·e kamko ka·rongenga ine u·inagita man·aha. Unbaksana bang·bata changon uni kam ka·anirang chamatgimin tangkarangnigita ramarangko name tarie on·ja aro mitam ramarangkode galchipe donaona sokatronga ine Sangma janapangaha.
Indake ia contractor-ni kam ka·anirang tik ong·janina, jako ra·gipa contractor kamrangko nipiltaie ramarangko name tarie on·pilchina a·jani DC ko ge·etchina didiangan baksana ta·raken iani bidingo nirokatchinagita Public Accounts Committee-na chittikoba sedoanggen ine Sangma aganangaha.
