Da·al pringwalni 3 bajimango Tura songjimaoni adita chel·kalao donggipa Bokmagre gittimo rama tarina jakkalenggipa dumper truck bolgniko ma·sina man·gijagipa manderang wa·al so·aha. Ia ong·a obostani ja·pangko batanggimin somoio dumper truck baksa bike salgipa a·sel ong·anina ding·chaoe ia kamko ka·naba gnang ine chanchichipenga.
Police rangni u·iatanigitade ia a·sel pring walni somoio rong·srek aro rong·terangko dane donchakenggipa a·damo donengmitingo gariko so·aha ine parakataha. Garirangko wa·al kamaniko ua a·damko nirokenggipa nikchengaha jeon dosi dakgiparang ua somoio katangmanaha ine u·iataha. Ia a·selo bolsa gariko bon·e wa·al kamaha aro bolgipin adita kamako man·e bang·gija nosto ong·aha ine parakataha.
So·a man·gipa garirang Shivam Construction Company ni ong·a jean crore tangkarangchi tarienggipa Tura-Dalu NH ramako ru·utbea bilsirangoni tarie da·ona kingkingba matchotchipkujaenga.
