Adita nangarangni bidingo agangolporikanirangko dakani ja·mano, da·al salni bako gitalgipa A·chik Conscious Holistically Integrated Krima (ACHIK) Dainadubi Regional Unit-ko songaniko North Garo Hills ni Co-Chairman Rorock R. Marak parakataha.
Ia gitalgipa unit-ko ra·chake songe on·aniko u·iatnagita, jako ra·e dilnasigiparangni bimungrang baksana nanggipa kamrangko ka·angna ra·chakani lekkako H.Q. Tura-ona watatgen ine Marak aganangaha.
Ia gitalgipa unit A·chik jatni namgnina aro a·song chigana mikkangchi bimchipe kamrangko ka·anggen ine ka·dongsoan baksana unit-ko dilna seokako man·giparangnaba uni nama skaniko Marak on·angjolaha.
