Da·al salo Chief Minister Conrad Sangma, Tura Rongkhon Songgital-o ja·bolrangko pipraate dingtang dingtang dakatna songe on·gimin kolko re·ange nirokeaniko dakangaha. Ia somoio Chief Minister baksa Soil & Water Conservation Minister Marcuise Marak, Jowai ni MLA aro MUDA ni Chairman Wailadmiki Shylla, unbaksana gipin official-rangba dongpae bakko ra·angaha.
Ia gitalgipa kolko jakkale dingtang dingtang a·sal gnanggipa bosturangko jekai plastic, sil, rong·te, itta aro gipin jabolrangoniko dingtangate jakkaltaitaina man·agita adita dakchakaniko on·gen ine Conrad Sangma u·iatangaha. Indake dakanichi Rongkhon Songgital jabol galchakramo jabolrangko komiatna aro nama bewalo galna man·anggen ineba Sangma parakangaha.
