All Guwahati A∙chik Students’ Association-ni election-ko re·baenggipa May 18, 2024 tariko Rehabari Meghalaya House-o ong·atna tik ka·aniko Chief Election Committee-ni Chiga Rikkim Marak u·iatangaha.
Ia election-o nangchongmotgipa lekka pancha donggiparangsan susanagita man·gen aro Guwahati ba Guwahati-Ribhoi-ni sima arini ning·o ong·gipa biaprango poraigipa A·chik chatro chatrirangsan ia su·saanio pu·onagitaba man·aigen ineba u·iatangaha. Ia election-ko re·baenggipa Academic bilsio jako ra·e kam ka·nagita donggipa gadangrangara President, Vice-President, General Secretary aro Assistant General Secretary ong∙a aro ia gadango kamrangko ka∙na seoknagita susaataniko daknasienga ine parakataha.
Kosako janapgimin kamni gadangrangna susaaniko dakna bimungrangko segataniko May 6 tarikoni May 11, 2024 tarikona man·gen. Unbaksana ia election-o susanasienggipa chatro chatrirang an·tangtangni bimung, badia kamna dorgasto galenga, da·o poraienggipa institution-ni bimungrangko, All Guwahati A∙chik Students’ Association-ni WhatsApp group-o ba on·gimin 9366577618/8794243580 number-rangona watatnagita man·gen ineba Marak u·iatangaha.
