A·chik Organization for Social Welfare (AOSW) Southern Zone, South Garo Hills, dolrang mijal salni bako gitalgipa AOSW Rongara Circle-na dilgiparangko songangaha. Ia gitalgipa Rongara Circle na AOSW ko songe on·anichi SGH Baghmara jolni manderangni namgnina Southern Zone-ni ning·o kamrangko jako ra·e ka·anggen ine AOSW Southern Zone ni General Secretary Torik D. Sangma parakataha.
Gitalgipa Rongara Circle-ko dilnagita seokako man·giparangara President Mayur A. Sangma, Vice-President Rathius R. Sangma, General Secretary Jerry R. Marak, Joint Secretary Wisbirth G. Momin, Finance Secretary Ringsal D. Sangma, Publicity Secretary Raksrang D. Sangma, RTI Secretary Gilchrist A. Sangma, Chief Organizing Secretary Wisbirth N. Marak, Environmental Secretary Gringnang R. Marak, Social Welfare Secretary Changsan R. Marak, Games & Sports Secretary Gilim M. Sangma aro Education Secretary-na Walgap D. Sangma ong·a.
AOSW Rongara Circle-na seokako man·gipa gital dilgiparang je kamrangko ka·nagitaba uamangni organization-ni tarigimin niamrangko ja·rikan baksana chubatgipa dilgipani ge·etanirango pangchake kamrangko ka·china Southern Zone-ni General Secretary u·iatangaha.