SGH Indo-Bangla sima ari joloniko 200 Bn BSF-ni sipairang aro a·dokni pulis dolrang nangrime am·sandianiko dakanichi, niamgri badingsrukna donenggipa chinirangko galchipgimin nok busruoniko da·al salo man·aha ine BSF dolrang parakataha.
Ia chinirangko Bangladesh a·songona niamni a·palo badingsrukna chimonggimin ong·a ine ma∙sina man·aha. Ia rim∙a man∙gimin chinirangni bidingo nambate am∙sandianirangko dakchinagita Rongara Police Station-na pakwatangaha.
