Garo Hills ni biaprango mobile network rangko name watgijaniko batanggimin salrango NGO rang ba songdongenggipa manderangni Ku·rongdik-na janapatako bang·en man·angaha.
Ia changoba South West Garo a·jao Mellim Antekkagre-o songgipa Jio tower-ko name nirokjani a·selo network wata tik ong·jaenga ine koborna parakataha. Uamangni songo network rang tik ong·jani a·selo namen neng·nikaniko man·enga ine songdongenggipa manderang parakataha.
Uamangni parakatanigitade bijoli rang dongjaon ia tower-ni network watarangba dontongaia ine u·iataha. Ia neng·nikanirang maini a·sel ong·enga uarangko sandie ta·rakkale nirokatpachina Mellim Antekkagre songo songdonggipa manderang mol·molataha.
