Ka·dingsmita changanti, Ka·dimeako on·a
Duk ong·aanti, bilakaniko mesoka
Duk mikchini somoio, pangnan sambao donga
Ma·ani ka·saako grike mesoka.
Simsaka aro ka·saa chotchanggija
Pilak re·gni ramao mesoke on·a
Atchiaoni intal, ma·ani ka·saanikosa man·a
Ma·ani ka·saa changanti gital ong·a.
Dalbatjok simsake, ka·sae, aldue detangko
Warachake pilak biati ango nanggniko,
Tosokja agana ma·ani ka·saako
Ka·saako mesoka kamo, cholon bewalo.
U·iatdilaha a·gilsako ripeng ong·chengna
Mesokaha nama namja basee janggi tangna,
Dukni somoio gipake ka·dimeata
Sukni somoio gisik ka·tong katchapaa.
Donggenma saoba ma·ani ka·saako on·pilskana,
Simsakgenma banoba ma·ani gamchatagita
Skigenma namgnirangko u·iatangoniko
Mesokgenma ma·gipagita nama cholon bewalko.
