Election Commission of India (ECI) ni rai on∙aniko man∙e a∙dokni Directorate of Health Services, sak 325 nurse rangko kamona rimnapna walk-in-interview ko Shillong aro Tura centre rango ong∙atangna tik ka∙angaha.
Ia interview ko May jani 22, 23 aro 24 tarikrango Shillong o Directorate of Health Services (MI) conference room no. 401 o ong∙atanggen aro Tura-o, May jani 22 aro 23 tariko Civil Hospital Tura ni conference room o ong∙atangskagen.
Dogasto galatna miksongenggiparang iana agreba name talbate ma∙sina sikgenchimode www.meghealth.gov.in ni website chi re∙ange ninagita man∙gen ineba u∙iatangaha.
