Re∙anggipa 2023 bilsini ding∙karini somoian bilsi 2000-o a∙gilsakni Northern Hemisphere ba salgroni bako ding∙batsranggipa ong∙a ine scientist-rang u∙iatangaha. Ia ding∙ani sal somoirang 2024 bilsio batnaba donga ine uamang ma·sisamsoaniko parakataha.
Ia ong∙genggipa obostarangara mandeni simsakgija a∙gilsako pattigimin gamjinrangko skatang bikotanichi aro bol wa∙arangko nangana batpile den·ani gimin ong∙enga ine aganangaha. Iani a∙selo El Niño chong·motan mikka balwa aro ding∙aniko somoi soko ong∙telaigipa jean a∙gilsak gimikni ding∙a sin·aniko dingtangatanichi ding∙karin somoio ding∙aniko batroroatenga.
Ian re∙anggipa 2023 bilsioni a∙bachengbaaha ine scientist rang parakataha aro mikkangchi a∙gilsakni gamjinko simsakgija nisiataniko dontongjagenchimode obostarang namjarorobatgen ineba u∙iatangaha.
