Da·al salni bako Rongjeng jolni nangrimgimin NGO dolrang aro UCPF-ni member-rang bakrime aro EGH-ni DC aro Excise official-rang baksa Rongjeng-o gital bonded warehouse-ko kuliani aro skul sepango niamgri wine store-ko kuliani bidingo a·jani DC office o tom·e chanchirimangaha.
Batanggimin salrango ia gital bonded warehouse-ko aro wine store-ko skul sepango ong·anina changni chang jegalaniko dakgenchimoba maming ja·ku de·anirangko dakjani gimin uamang a∙jani DC aro Excise Official-rangko grongna gita tik ka·angaha. Undake uamangni tom·e chanchirimanio bonded-ko dongimin niamo panchake gipin biapona apjitatna kamko ka·anggen ine a·jani Deputy Commissioner ku·chakangaha ine uamang u·iataha. Una agreba skulrangni sepango donggipa Wine store rangko chipe donchina ge·etatmanaha ine koborna parakataha.
